رضيت بالعشق ع الهامش
يدق القلب بس بصمت مش عايش
ها جيب من فين حظوظ تانى
أنا ساكن ف عنوانى
ما غيرتوش بقلب بيعشقك فارش
يدق القلب بس بصمت مش عايش
ها جيب من فين حظوظ تانى
أنا ساكن ف عنوانى
ما غيرتوش بقلب بيعشقك فارش
قدرة ربنا سَلِّم
و بص بقلب و إتعلِّم
آيات الله إذا تنظر ..
و لو تِفهم و لو تُشعر
بأى لغات بتتكلم
ما فيش صدفة فى خلق الله
دى قدرة و جاه
و حكمة و كل شيئ بحساب
قدر و كتاب و خالق فيه بيتحكم
بقدرة ربنا سلم
و شوف الرحمة ف الحيوان
و عيش إنسان
إذا تقدر تكون إنسان
لأن ف يوم ها تتندم
بقدرة ربنا سلم
و بص بقلب و إتعلِّم
آيات الله إذا تنظر ..
و لو تِفهم و لو تُشعر
بأى لغات بتتكلم
ما فيش صدفة فى خلق الله
دى قدرة و جاه
و حكمة و كل شيئ بحساب
قدر و كتاب و خالق فيه بيتحكم
بقدرة ربنا سلم
و شوف الرحمة ف الحيوان
و عيش إنسان
إذا تقدر تكون إنسان
لأن ف يوم ها تتندم
بقدرة ربنا سلم
دى جِنِّية
غزال معجون بحِنِّية
و أجمل زهرة برية
و شيئ مسحور
فى عز الضلمة يسطع نور
و عامل م الدلال غِيَّة
دى روح
و الروح شفافية
دى نور
و النور علانية
و لما اللحن يبدأ عزف
تبقى حبيبتى فوق الوصف
حورية
عبدت الله غزل فيها
و شِعرى مش موفيها
يا ريت قلبى يكفيها
براح لو تقبله هِيَّا
دى جِنيَّة
غزال معجون بحِنِّية
و أجمل زهرة برية
و شيئ مسحور
فى عز الضلمة يسطع نور
و عامل م الدلال غِيَّة
دى روح
و الروح شفافية
دى نور
و النور علانية
و لما اللحن يبدأ عزف
تبقى حبيبتى فوق الوصف
حورية
عبدت الله غزل فيها
و شِعرى مش موفيها
يا ريت قلبى يكفيها
براح لو تقبله هِيَّا
دى جِنيَّة
أنا و الدنيا ...
واخدين بعض بدون إقناع
كارهين بعض و متعايشين ....
باجيلها شمال و تجيلى يمين
بس مناها تشوفنى حزين
و تجيبلى صداع
و أنا بافرسها بضحكة عريضة
و حتى عملت الضحك فريضة
علشان أعرف أرد الصاع
أنا و الدنيا
علاج بيحارب ف الأوجاع
واخدين بعض بدون إقناع
كارهين بعض و متعايشين ....
باجيلها شمال و تجيلى يمين
بس مناها تشوفنى حزين
و تجيبلى صداع
و أنا بافرسها بضحكة عريضة
و حتى عملت الضحك فريضة
علشان أعرف أرد الصاع
أنا و الدنيا
علاج بيحارب ف الأوجاع
حد يقول للبحر خلاص هجرِت شواطئها
بس أمانة إن شافها ف مينا
يترجاها ترد لى قلبى الله لا يسيئها
بس أمانة إن شافها ف مينا
يترجاها ترد لى قلبى الله لا يسيئها
باغلط و أنا باتكلم عنى
غصبن عنى .. بالقى كلامى إتحَوِّل عنك
غصبن عنى .. بالقى كلامى إتحَوِّل عنك
باعترفلك ف الخيال
إن إنتى أجمل م الجمال
و اللي ساكن
جوة روحى من مشاعر
مستحيل ما تكونش
من نبع الحلال
إتفقنا إن إحنا نظبط حرفنا
و نقول كلام مالهوش ظلال
بس بينى و بين ضميرى
السكوت عدى حدود الإحتمال
و إنتى عارفة إن المشاعر
لما تشعل قلب شاعر ..
مش هاتغلب
ف الظهور بالإحتيال
باعترفلك ف الخيال
إنى عاشقك و إنى و دايب
و إنى باستنى السبايب
لاجل مافرح بالوصال
إن إنتى أجمل م الجمال
و اللي ساكن
جوة روحى من مشاعر
مستحيل ما تكونش
من نبع الحلال
إتفقنا إن إحنا نظبط حرفنا
و نقول كلام مالهوش ظلال
بس بينى و بين ضميرى
السكوت عدى حدود الإحتمال
و إنتى عارفة إن المشاعر
لما تشعل قلب شاعر ..
مش هاتغلب
ف الظهور بالإحتيال
باعترفلك ف الخيال
إنى عاشقك و إنى و دايب
و إنى باستنى السبايب
لاجل مافرح بالوصال
و يعلم الله أنى فيكِ أعبدُه
و أن القلب فى يدِه
و أن الروح من أسراره الكبرى
و أن القلب فى يدِه
و أن الروح من أسراره الكبرى
حررى .....
روحك و قلبك م الدواير
و إكسرى سجن الضفاير
سيبى نفسك
للهوى و الريح و طيرى
هو مين أسعد
من السرب اللي طاير؟
عيشى حالة
شُقى صمت الليل
بفجر من القوالة
إوعى مرة تعيشى آلة
إستحالة ...
عشان نعيش نفضل نساير
اللي رافضينه بقلوبنا
و اللي بيزوِّد عيوبنا
ربنا بإيده المصاير
و الحياة هى إختيارنا
ما تعيشيش و القلب حاير
حررى روحك
و قلبك م الدواير
روحك و قلبك م الدواير
و إكسرى سجن الضفاير
سيبى نفسك
للهوى و الريح و طيرى
هو مين أسعد
من السرب اللي طاير؟
عيشى حالة
شُقى صمت الليل
بفجر من القوالة
إوعى مرة تعيشى آلة
إستحالة ...
عشان نعيش نفضل نساير
اللي رافضينه بقلوبنا
و اللي بيزوِّد عيوبنا
ربنا بإيده المصاير
و الحياة هى إختيارنا
ما تعيشيش و القلب حاير
حررى روحك
و قلبك م الدواير
بس خطى
و هاتى إيدِك تاتا تاتا
و حُطى رجلك جوة شطى
و أما تتعود خُطاكى
إبقى نُطى
ما تخافيش من أى حاجة
الطريق هايطول و نعطَل
بس بُكرة أكيد هانِطوَلْ
و أرسم الأحلام بخطى
بس خطى
لما الخجل مركب رسَى
و الخد بالورد إنكَسَى
أنا كل كلمة حلمت أقولها إتبخرت
حتى السلام ساعة الوداع
برضو إتنَسَى
و الخد بالورد إنكَسَى
أنا كل كلمة حلمت أقولها إتبخرت
حتى السلام ساعة الوداع
برضو إتنَسَى
باحسبنى أقدر
من غيرك أعيش
معلش دا عادى ف سن الطيش
يتغر الواحد بشبابه
و بدون إنذار ..
تلاقيه بيسيل مع لعابُه
و الصبر مافيش
باحسبنى و ياما حسابى يخيب
و ساعات قرارات للنفس تطيب
و أخسر عادى ...
و باقول مش عيب
بس أنا عندك ف الكدب ماليش
من غيرك متلخبط حالى ..
مش عارف أعيش
باتنفس إسمك ف الأشياء
و شهيق و زفير و باخُم كتير
و بيفضل جوة النفس رجاء
ما تغيبى من الدنيا قصادى
و أفضل راضى
و أتنفس إسمك ف الأشياء
و شهيق و زفير و باخُم كتير
و بيفضل جوة النفس رجاء
ما تغيبى من الدنيا قصادى
و أفضل راضى
و أتنفس إسمك ف الأشياء
واقف على باب العيون ملهوف
و الحرف من كتر الخجل مكسوف
جربت أقول الشعر يمكن تسمعى
أو ترجعى
لسجين عيونك منتظر مكتوف
و الحرف من كتر الخجل مكسوف
جربت أقول الشعر يمكن تسمعى
أو ترجعى
لسجين عيونك منتظر مكتوف
اللي يفرِق
أعمى تايه من بصير
هو الضمير
و الحقيقة إن ده
شيئ مش يسير
هى أيه الدنيا غير
سيرة و مسير ....
و حاجات بتحتاج مننا
موقف لتحديد المصير
و قرار جريئ
يمكن يغيَّر خط سير
بس الأهم
ما يتعارضش مع الضمير
شوف يابن آدم ....
عيش و موت
تحت التراب أو ف التابوت
و إرحل من الدنيا جسد
ملفوف حرير أو حتى توت
مش راح ينوبك م الحياة
إلا اليسير
غنى أو فقير
اللي هيفضل شيئ عملته
و بضمير
أعمى تايه من بصير
هو الضمير
و الحقيقة إن ده
شيئ مش يسير
هى أيه الدنيا غير
سيرة و مسير ....
و حاجات بتحتاج مننا
موقف لتحديد المصير
و قرار جريئ
يمكن يغيَّر خط سير
بس الأهم
ما يتعارضش مع الضمير
شوف يابن آدم ....
عيش و موت
تحت التراب أو ف التابوت
و إرحل من الدنيا جسد
ملفوف حرير أو حتى توت
مش راح ينوبك م الحياة
إلا اليسير
غنى أو فقير
اللي هيفضل شيئ عملته
و بضمير
قالوا زمان ..
إنها دايما ،،،،
مش بتهون غير ع الغلبان
بس ف لقمة،
ف هدمة ف كلمة
إنما حب و شفقة كمان؟
أما جنان
المحروم م الحب بيِدى
من قلبه العامر بحنان
كل خلايق ربك عادى
و يمكن سهل إنك تفهمها
إلا المَكْنِى بالإنسان
مهما الدنيا دروس تديله
دايماً يسقط بالنسيان
بس اللي أنا مش قادر أقوله
للدرجادى إحنا بنتهان؟
أصعب شيئ ف العالم كله
لو تفشل تصبح إنسان
إعمل ناسى
أو فصَّل صَدْ على مقاسى
و تعالى كأنك طفل بريئ ..
طبطب واسى
و إسكن قلبى و عيش ف خيالى
و إدخل و إخرُج مع أنفاسى
و إزعل لو قُلت عليك .. قاسى
و إن جيت فكَّرتك مرة بشيئ
إعمِل ناسى
أو فصَّل صَدْ على مقاسى
و تعالى كأنك طفل بريئ ..
طبطب واسى
و إسكن قلبى و عيش ف خيالى
و إدخل و إخرُج مع أنفاسى
و إزعل لو قُلت عليك .. قاسى
و إن جيت فكَّرتك مرة بشيئ
إعمِل ناسى
حياة وجهة نظر
و لأننا شعوب مش بشر
متقلبة متغيرة ف لمح البصر
عايشين عشان الإختلاف
هربت حياتنا من إيدينا لأنها
لاقتنا مش جايبين بر
و لأننا شعوب مش بشر
متقلبة متغيرة ف لمح البصر
عايشين عشان الإختلاف
هربت حياتنا من إيدينا لأنها
لاقتنا مش جايبين بر
أنا مين من غيرك .. مش عارف
متغمى عيونه و مش شايف
مع إنى مافيش ف إيديا ضمان
تلاقينى ف حبك مش خايف
متغمى عيونه و مش شايف
مع إنى مافيش ف إيديا ضمان
تلاقينى ف حبك مش خايف
من أول حرف قريته بجد
و قلبى إتشَدْ
من أول بوست
لقيتنى مشعلق روحى
و عاوز أحكى لحَد
من قبل ما نبقى صحاب ع الفيس
من قبل ما عقلى يقولى
دخلت فـ Case
أنا حتى تعبت و خُفت
و قلمى إتردد عند الرد
أنا بيكى متيم
فعلاً قوى و الله بجّدْ
و قلبى إتشَدْ
من أول بوست
لقيتنى مشعلق روحى
و عاوز أحكى لحَد
من قبل ما نبقى صحاب ع الفيس
من قبل ما عقلى يقولى
دخلت فـ Case
أنا حتى تعبت و خُفت
و قلمى إتردد عند الرد
أنا بيكى متيم
فعلاً قوى و الله بجّدْ
لو مرة هاحِس إنى خسرتك
أنا ممكن أموت
ماهو إنت النفس اللي بيدخل
و يصحى الروح
و كمان بيخلى الحزن يفوت
و العمر يحاسب ع الخطوات
و يخلى القلب يدق بحب
و يبنى لحلو مشاعرى بيوت
لو مرة هاحِس إنى خسرتِك
هابعد عن أى بشر ف الكون
ماهو أنا من غيرك مش معقول
و لا يمكن أكون
و وجودك هو الحركة ف دنيا
إتخلقت وسط سكون ف سكون
و إنت الحرية اللي عشانها
بكرة بييجى
و بريقه آمال ف عيون مسجون
أنا ممكن أموت
ماهو إنت النفس اللي بيدخل
و يصحى الروح
و كمان بيخلى الحزن يفوت
و العمر يحاسب ع الخطوات
و يخلى القلب يدق بحب
و يبنى لحلو مشاعرى بيوت
لو مرة هاحِس إنى خسرتِك
هابعد عن أى بشر ف الكون
ماهو أنا من غيرك مش معقول
و لا يمكن أكون
و وجودك هو الحركة ف دنيا
إتخلقت وسط سكون ف سكون
و إنت الحرية اللي عشانها
بكرة بييجى
و بريقه آمال ف عيون مسجون
من أنت فى لغة الخلائق كلها
من أنت فى قلب المحار
الكوكب المسكون بالدهشة،
و العالم المصنوع من إبهار
و العشق فى عينيك
مختلفٌ عن المألوف فى زمنى
ما عدت أعرف من أنا
ما عاد يجبر خاطرى الإنكار
ماذا تركتِ لعاشقٍ مثلى أنا
بين الجمالِ مشتتٌ و يحار
من أنت فى قلب المحار
الكوكب المسكون بالدهشة،
و العالم المصنوع من إبهار
و العشق فى عينيك
مختلفٌ عن المألوف فى زمنى
ما عدت أعرف من أنا
ما عاد يجبر خاطرى الإنكار
ماذا تركتِ لعاشقٍ مثلى أنا
بين الجمالِ مشتتٌ و يحار
عارفة باحب البوك دا ليه
أصل جماله و أحلى مافيه
إنك تبقى ف ذات اللحظة
بكل بساطة ...
بدون تفكير بتفكر فيه
أصل جماله و أحلى مافيه
إنك تبقى ف ذات اللحظة
بكل بساطة ...
بدون تفكير بتفكر فيه
لما عيونك
تبقى العالم بالنسبالى
و بابقى لوحدى باصارح حالى
باعشق سفرى لجوة عنيكى
و بابقى رومانسى
كمان و خيالى
يحلى القارب وسط مغارب
لما البحر يكون متدارك
لما اللحن يكون متقارب
لما الجو بيبقى مثالى
جوة عيونك دنيا بحالها
و واحة جمالها
بياخد عقلى أيام و ليالى
جوة عيونك باهرب منى
و مش مستنى
ف يوم ألاقينى و أغمض عينى
ف ساعة لما بامُر قُبالى
أصل عيونك
هى العالم بالنسبالى
تبقى العالم بالنسبالى
و بابقى لوحدى باصارح حالى
باعشق سفرى لجوة عنيكى
و بابقى رومانسى
كمان و خيالى
يحلى القارب وسط مغارب
لما البحر يكون متدارك
لما اللحن يكون متقارب
لما الجو بيبقى مثالى
جوة عيونك دنيا بحالها
و واحة جمالها
بياخد عقلى أيام و ليالى
جوة عيونك باهرب منى
و مش مستنى
ف يوم ألاقينى و أغمض عينى
ف ساعة لما بامُر قُبالى
أصل عيونك
هى العالم بالنسبالى
إنتى وبس ..
و مهما الدنيا تمر قصادى
و الباقيين حلوين وحشين
مش فارقة و عادى
مهما جمالهم يبقى مُحرض
زى إخواتى و زى ولادى
إنتى وبس ..
و دوكهُم .. عادى
و مهما الدنيا تمر قصادى
و الباقيين حلوين وحشين
مش فارقة و عادى
مهما جمالهم يبقى مُحرض
زى إخواتى و زى ولادى
إنتى وبس ..
و دوكهُم .. عادى
طارت
بعد ما رف الجناح على قلب مال
بعد ما دبحت مشاعرى بالحلال
دم نار الشهوة سال
عرفتنى إزاى يكون نبل المشاعر
عرفتنى إزاى يكون طُهر الوصال
ف المدى، فى ركن ف الملكوت
فى براح بعيد بعد الخيال
بس طارت
و إستخارت ربها بين حبها
و مابين جنان عشق و تلال
و الإجابة جاتلها و وعتها جداً
إنها .. نَسَت السؤال
بس طارت
بعد ما رف الجناح على قلب مال
بعد ما دبحت مشاعرى بالحلال
دم نار الشهوة سال
عرفتنى إزاى يكون نبل المشاعر
عرفتنى إزاى يكون طُهر الوصال
ف المدى، فى ركن ف الملكوت
فى براح بعيد بعد الخيال
بس طارت
و إستخارت ربها بين حبها
و مابين جنان عشق و تلال
و الإجابة جاتلها و وعتها جداً
إنها .. نَسَت السؤال
بس طارت
عن إحساسك
لما بتبقى الكلمة خلاص
على طرف لسانك ما تقولهاش
لما بيبقى شعورك طافح
جوة حروفك
بس ظروفك أو قول خوفك
حاطط روحك ف الإنعاش
لما وفاءك بس لعهد قطعته ف مرة
إنك مش هاتعيد الكرَّة .. و تنسى
و لسة ضميرك فاكر ما بينساش
عن إحساسك
و إنت محلق روح مع روح
عشق بيملا النفس جروح
بس إنت إخترت بمحض إرادتك
تبقى ملاك
لما عرفت إن البشرية مصيرها هلاك
و إن اللي معاك
نعمة كبيرة و ربك ليها بمنة هداك
أصله صحيح ربك سبوح
و إنت محلق روح مع روح
مانتش راضى تعيش غشاش
عن إحساسك
لما تعيش الصدق ف وقت
الصدق بنفسه رفض ينعاش
لما تحوش نفسك عن رغبة
و عارف ...
إن الرغبة ثوانى تمر و ما بتسواش
لما تكون الكلمة خلاص على طرف لسانك
تمنع نفسك ما تقولهاش
لما بتبقى الكلمة خلاص
على طرف لسانك ما تقولهاش
لما بيبقى شعورك طافح
جوة حروفك
بس ظروفك أو قول خوفك
حاطط روحك ف الإنعاش
لما وفاءك بس لعهد قطعته ف مرة
إنك مش هاتعيد الكرَّة .. و تنسى
و لسة ضميرك فاكر ما بينساش
عن إحساسك
و إنت محلق روح مع روح
عشق بيملا النفس جروح
بس إنت إخترت بمحض إرادتك
تبقى ملاك
لما عرفت إن البشرية مصيرها هلاك
و إن اللي معاك
نعمة كبيرة و ربك ليها بمنة هداك
أصله صحيح ربك سبوح
و إنت محلق روح مع روح
مانتش راضى تعيش غشاش
عن إحساسك
لما تعيش الصدق ف وقت
الصدق بنفسه رفض ينعاش
لما تحوش نفسك عن رغبة
و عارف ...
إن الرغبة ثوانى تمر و ما بتسواش
لما تكون الكلمة خلاص على طرف لسانك
تمنع نفسك ما تقولهاش
لك أنت أدين
بخيال و جمال
و النور من أحلى و أصفى معين
فالعالم حولك محض خيال
و خيالك أنت يقينُ يقين
بخيال و جمال
و النور من أحلى و أصفى معين
فالعالم حولك محض خيال
و خيالك أنت يقينُ يقين
أنا صفحة ف إيدك بيضا
و قلمك حر ف رسم اللي يحبه
انا روح مع روحك سبحت
طارت ف الملكوت
من غير و لا شارع و لا تشريع
و لا حتى بيوت
أنا لحن بيملا النفس سعادة
طرب بزيادة
و من غير صوت
عن نفسي
و مهما حاولت اقول عاجز
عن وصف مشاعرى
و حد هوايا المتجاوز
و بحاول بس و أقول جايز
يمكن يصدف
و كلامى يقرب من وصفك
و بابوس على إيد الحرف و أموت
علشان يكتبلك حاجة جديدة
و مش عايز
و مهما حاولت اقول عاجز
عن وصف مشاعرى
و حد هوايا المتجاوز
و بحاول بس و أقول جايز
يمكن يصدف
و كلامى يقرب من وصفك
و بابوس على إيد الحرف و أموت
علشان يكتبلك حاجة جديدة
و مش عايز
و كفاية عيونك
كتبت شعر و رسمت سحر
و كشفت من بير قلبى السر
و كفاية رموشك
و قفت ع الأبواب حُجَّاب
ساعة ما تحن
بتفتح للملهوف الباب
و أمَّا بتقسى و تقفل مرة
بتخلى الدمع ف عينى يفِر
كفاية عيونك كتبت شِعر
كتبت شعر و رسمت سحر
و كشفت من بير قلبى السر
و كفاية رموشك
و قفت ع الأبواب حُجَّاب
ساعة ما تحن
بتفتح للملهوف الباب
و أمَّا بتقسى و تقفل مرة
بتخلى الدمع ف عينى يفِر
كفاية عيونك كتبت شِعر
و أيه توهنى
زى عنيكى ف الدنيا
و غربنى و قربنى
و ودانى و رجع و جابنى
ب بس إشارة و ف ثانية؟
زى عنيكى ف الدنيا
و غربنى و قربنى
و ودانى و رجع و جابنى
ب بس إشارة و ف ثانية؟
خبوا عنيكى عشان عارفين
إن قلوبنا .. مش خالصين
بس شفايفك حتة جمرة
و قرب الواحد منها مغامرة
بتخلى العالم تايهين
متشربة شربات على خمرة
و عاملة مؤامرة
على خدك و رموش العين
بس ف سرك كلمة و نص
مهما يخبوا عنيكى بيبقوا
مش خافيين
إن قلوبنا .. مش خالصين
بس شفايفك حتة جمرة
و قرب الواحد منها مغامرة
بتخلى العالم تايهين
متشربة شربات على خمرة
و عاملة مؤامرة
على خدك و رموش العين
بس ف سرك كلمة و نص
مهما يخبوا عنيكى بيبقوا
مش خافيين
و كفاية إنك جواية شواطئ
بعد سنين توهان ف بحور
و كفاية عيونك فجر جديد
و نهارهم متشبع بالنور
بعد سنين توهان ف بحور
و كفاية عيونك فجر جديد
و نهارهم متشبع بالنور
كفك نَمَا
نقطة المية
أما تنزل م السما
تعمل نما
تبدر خضار .. ييجى النهار
و الورد يعمل ملحمة
بعض الأيادى بتبقى خير
يعشقها ناس و زهور و طير
و البعض بيكون مرحمة
و إيديكى بتجود بالمطر
مع إنها جوة العيون
بالرقة عازفة على الوتر
آية من الله .. مُحكَمَة
كفك نما
نقطة المية
أما تنزل م السما
تعمل نما
تبدر خضار .. ييجى النهار
و الورد يعمل ملحمة
بعض الأيادى بتبقى خير
يعشقها ناس و زهور و طير
و البعض بيكون مرحمة
و إيديكى بتجود بالمطر
مع إنها جوة العيون
بالرقة عازفة على الوتر
آية من الله .. مُحكَمَة
كفك نما
ف عنيكى كون
أقواس قزح .. من كل لون
عشق و جنون
حبة مشاعر كات جليد
و رمت بروحها ف الأتون
ف عنيكى قوة جذب ..
بتشد البشر
تخطف من العين البصر
خلتنى أقول ..
دول مش عيون
ف عنيكى ... كون
أقواس قزح .. من كل لون
عشق و جنون
حبة مشاعر كات جليد
و رمت بروحها ف الأتون
ف عنيكى قوة جذب ..
بتشد البشر
تخطف من العين البصر
خلتنى أقول ..
دول مش عيون
ف عنيكى ... كون
عنيكى ..
ألغاز الوجود
و براح إذا حلَّقت فيه
مالهوش حدود
و مكان إذا
سجلت إسمى مرة فيه
نُلت الخلود
ف عنيكى جنة
فروض و سُنَّة
و نار بتهجم ع البارود
ف عنيكى بتسافر عيون
و ما تنتظرش ..
ف يوم تعود
و براح إذا حلَّقت فيه
مالهوش حدود
و مكان إذا
سجلت إسمى مرة فيه
نُلت الخلود
ف عنيكى جنة
فروض و سُنَّة
و نار بتهجم ع البارود
ف عنيكى بتسافر عيون
و ما تنتظرش ..
ف يوم تعود
لمسة إيد
أكتر شيئ كان بينى و بينك .. لمسة إيد
بس أنا كنت بادوب من نظرة
و أما عنيا ف بحر عنيكى بتغرق مرة
كنت باموت م العشق و أعيد من تانى الكرة
و أحلم جوة الموت من عشقك إنى باعيش
و إن أنا وسط الخلق بدونك .. قلب ماليش
كنت ف عينك ياما باسافر
و أدخل ألف تحدى و أعافر
و أدخل دنيا من اﻷحلام الساكن فيها
خلق بتضحك .. تفرح للفرحان و تهنى
و أنا إكمنى ... حبك جوة زيادة و وافر
لسة باحب ف عينك تانى
إنى أسافر
أكتر شيئ كان بينى و بينك .. لمسة إيد
بس أنا كنت بادوب من نظرة
و أما عنيا ف بحر عنيكى بتغرق مرة
كنت باموت م العشق و أعيد من تانى الكرة
و أحلم جوة الموت من عشقك إنى باعيش
و إن أنا وسط الخلق بدونك .. قلب ماليش
كنت ف عينك ياما باسافر
و أدخل ألف تحدى و أعافر
و أدخل دنيا من اﻷحلام الساكن فيها
خلق بتضحك .. تفرح للفرحان و تهنى
و أنا إكمنى ... حبك جوة زيادة و وافر
لسة باحب ف عينك تانى
إنى أسافر
حاول بس
تخلى عنيك بره الموضوع
و إفتح قلبك
ما تخليش عندك ممنوع
سيب نفسك لمشاعرك و إسمع
تلقى الروح همسها لجوارحك .....
بقى مسموع
تخلى عنيك بره الموضوع
و إفتح قلبك
ما تخليش عندك ممنوع
سيب نفسك لمشاعرك و إسمع
تلقى الروح همسها لجوارحك .....
بقى مسموع
و لولا الوعد و المكتوب
ﻻكنت أكتب فى سحر عنيكى
بالمعدول و بالمقلوب
كلام من صدق إحساسه
تغير منه عيون و قلوب
ﻻكنت أكتب فى سحر عنيكى
بالمعدول و بالمقلوب
كلام من صدق إحساسه
تغير منه عيون و قلوب
من نفس الصبح إتبخرتى
و من لون الشمس إتحنيتى
و عملتى من النور جناحاتك
زى ملاك اﻷحلام جيتى
و بترقص روحك على لحنك
و توزع أفراح ع العالم
و بتمسح دمعات الباكى
يضحك قلبى العاشق ما لم
يهرب منى و يبقى جناحك
يعمل جمع مؤنث سالم
و من لون الشمس إتحنيتى
و عملتى من النور جناحاتك
زى ملاك اﻷحلام جيتى
و بترقص روحك على لحنك
و توزع أفراح ع العالم
و بتمسح دمعات الباكى
يضحك قلبى العاشق ما لم
يهرب منى و يبقى جناحك
يعمل جمع مؤنث سالم
ف عنينا
الدنيا حظوظ و حاجات
تحصل دايما لما تصادف
بس اللي خلقها
و خلى خطوطنا بتتقاطع
فعلا بارع
واحد و مالوش أى منازع
خلانا نعيش نحلم بالجاى
و نقول يمكن، أو مين عارف
الدنيا دى نوتة بألف إيقاع
مليون توزيع
و إنت مجرد واحد .. عازف
الدنيا حظوظ و حاجات
تحصل دايما لما تصادف
بس اللي خلقها
و خلى خطوطنا بتتقاطع
فعلا بارع
واحد و مالوش أى منازع
خلانا نعيش نحلم بالجاى
و نقول يمكن، أو مين عارف
الدنيا دى نوتة بألف إيقاع
مليون توزيع
و إنت مجرد واحد .. عازف
لو بإدى ....
كنت أجيب الدنيا صحبة ورد نادى
و من بعيد أفضل أنادى
لاجل بس ما تسمحيلى و أقدم الورد لإيديكى
و هو ده آخر مرادى
.
لو بإيدى
كنت أجيب الدنيا صحبة ورد نادى
و من بعيد أفضل أنادى
لاجل بس ما تسمحيلى و أقدم الورد لإيديكى
و هو ده آخر مرادى
.
لو بإيدى
حضنك دا رحلة روح
عشان تلقالها روح
و شراب طهور يغسل بدن
علشان يصلى ركعتين ...
مدخل لتوبة من البعاد
عشان تلقالها روح
و شراب طهور يغسل بدن
علشان يصلى ركعتين ...
مدخل لتوبة من البعاد
مش كل بوسة بتبقى بوسة
و كل لمسة إيد تخلى النار تقيد
فيه بوسة كل ما خدت منها
الشوق يزيد
و مهما حسِّنت ف أداءك
برضو راح تطلب تعيد
فيه بوسة بتسافر بروحك للنعيم
ترجع و كلك مش سليم
و تحس لما بتبتديها إن اللى فاتوا
و سابوا حرف على الشفايف
مش حريم
دول كانوا برعى و عب عليم
و إن إنت كنت عبيط أكيد
مش كل بوسة بتبقى بوسة
و بس بوسة بتبتديها
أثرها يجرى ف الوريد
و كل لمسة إيد تخلى النار تقيد
فيه بوسة كل ما خدت منها
الشوق يزيد
و مهما حسِّنت ف أداءك
برضو راح تطلب تعيد
فيه بوسة بتسافر بروحك للنعيم
ترجع و كلك مش سليم
و تحس لما بتبتديها إن اللى فاتوا
و سابوا حرف على الشفايف
مش حريم
دول كانوا برعى و عب عليم
و إن إنت كنت عبيط أكيد
مش كل بوسة بتبقى بوسة
و بس بوسة بتبتديها
أثرها يجرى ف الوريد
طول عمرى فراش
باجرى ورا الحلم اللي رسمته
و ما باستسلمش
إن مرة السهم إتهز و طاش
و بكل براة باطارد فكرة
و أعيش علشانها و ماخزلهاش
طول عمرى طبيعتى العفوية
بتميل بيا
و تاخدنى لسكة ما روحتلهاش
و ألاقينى ف عز صراع حامى
لا ورايا أنا فيه و لا قدامى
إلا براءتى اللي الأيام ما بتقتلهاش
طول عمرى فراش
باجرى ورا الحلم اللي رسمته
و ما باستسلمش
إن مرة السهم إتهز و طاش
و بكل براة باطارد فكرة
و أعيش علشانها و ماخزلهاش
طول عمرى طبيعتى العفوية
بتميل بيا
و تاخدنى لسكة ما روحتلهاش
و ألاقينى ف عز صراع حامى
لا ورايا أنا فيه و لا قدامى
إلا براءتى اللي الأيام ما بتقتلهاش
طول عمرى فراش
غريبة الدنيا
أما بتحرم قلب من الدق
و تسَكِّت أى لسان إتجرأ ...
قال الحق
و أما بتقسى لما بتنسى
مركبها السابح فى طريقه
يدخل مرسى
و يهدِّى عشان الناس تنزل
ترمى حمولها
و اللي بتوجعه كلمة يقولها
ماهو صعب كلام ينطق بآلام
يفضل ف الشق
أما بتحرم قلب من الدق
و تسَكِّت أى لسان إتجرأ ...
قال الحق
و أما بتقسى لما بتنسى
مركبها السابح فى طريقه
يدخل مرسى
و يهدِّى عشان الناس تنزل
ترمى حمولها
و اللي بتوجعه كلمة يقولها
ماهو صعب كلام ينطق بآلام
يفضل ف الشق
عن لما الواحد
يشعر إن إلهه عطاه
و عطايا بجد
تزيد عن كل اللي إتمناه
عن لما يكون أملك قارب
و تلاقى نصيبك يخت
و إنت كأنك شاه
عن لما تشوف نفسك مبخت
و تعيش مستكتر نعم الله
مش ﻻقى كلام أوصف حالى
و أنا شايفك رزق
و نعمة و جاه
معقول أنا حظى ألمس قلبك
و أقعد جنبك
و أتكلم كده عادى معاكى
و أنول ودك
معقول الجنة
بتفتح فرع ف دنيتنا
و الصدفة جميلة و جمعتنا
و الرب بيسمع ل اللي دعاه
يشعر إن إلهه عطاه
و عطايا بجد
تزيد عن كل اللي إتمناه
عن لما يكون أملك قارب
و تلاقى نصيبك يخت
و إنت كأنك شاه
عن لما تشوف نفسك مبخت
و تعيش مستكتر نعم الله
مش ﻻقى كلام أوصف حالى
و أنا شايفك رزق
و نعمة و جاه
معقول أنا حظى ألمس قلبك
و أقعد جنبك
و أتكلم كده عادى معاكى
و أنول ودك
معقول الجنة
بتفتح فرع ف دنيتنا
و الصدفة جميلة و جمعتنا
و الرب بيسمع ل اللي دعاه
حرر روحك من أغلالها
و طير بمشاعرك ليلة بحالها
و ما تخليش الخوف من غيرك
يسجن طيرك
مالها الدنيا و مال مشاعرنا
حد عن اللي نحبه سألها؟
و طير بمشاعرك ليلة بحالها
و ما تخليش الخوف من غيرك
يسجن طيرك
مالها الدنيا و مال مشاعرنا
حد عن اللي نحبه سألها؟
مدبوحة الشمس أما بتغرب
و النور بيدور على مهرب
و الليل قرب
و الدم ف طرف هدوم اليوم
سايل بهموم
على يوم من عمرى بيتسرب
و الخالى يشوف الجو جميل
ترجمته أصيل
ما يحس بجرحك لو مجروح
إلا اللي سبقله ف يوم جرب
مدبوحة الشمس ف موكبها
و نهار الدنيا ... بيتهرب
و النور بيدور على مهرب
و الليل قرب
و الدم ف طرف هدوم اليوم
سايل بهموم
على يوم من عمرى بيتسرب
و الخالى يشوف الجو جميل
ترجمته أصيل
ما يحس بجرحك لو مجروح
إلا اللي سبقله ف يوم جرب
مدبوحة الشمس ف موكبها
و نهار الدنيا ... بيتهرب
عارفة إن الدنيا
ساعات تضحك
و ساعات تجرح
و ساعات بتحن
و ﻻ مرة بتهتم بتوقيت
و ﻻ جاه و ﻻ صيت
و ﻻ حتى بسن
و بترفض يبقالها معادلات
و بتخلف كل اﻹحتمالات
و دا شيئ بيجن
بس اللي يعيشها على ما هيا
مالهاش عازة و مالهاش دية
بيشوف حقيقتها المخفية
إنها على قد ما بتجرح
مرات بتحن
ساعات تضحك
و ساعات تجرح
و ساعات بتحن
و ﻻ مرة بتهتم بتوقيت
و ﻻ جاه و ﻻ صيت
و ﻻ حتى بسن
و بترفض يبقالها معادلات
و بتخلف كل اﻹحتمالات
و دا شيئ بيجن
بس اللي يعيشها على ما هيا
مالهاش عازة و مالهاش دية
بيشوف حقيقتها المخفية
إنها على قد ما بتجرح
مرات بتحن
