مشهد مهيب
و الشمس فى ركب المغيب
و الكون سكون
و البحر واخد أحلى لون
و الصمت للأرواح يطيب
و الطير هَجَع
من بعد ما طار و إرتفَع
لقَى الهروب م الصورة عيب
ما رضاش يعيش
ف الكون غريب
واقف على شط الزمن
مستنى دوره ف النصيب
مشهد .... مهيب
و الشمس فى ركب المغيب
و الكون سكون
و البحر واخد أحلى لون
و الصمت للأرواح يطيب
و الطير هَجَع
من بعد ما طار و إرتفَع
لقَى الهروب م الصورة عيب
ما رضاش يعيش
ف الكون غريب
واقف على شط الزمن
مستنى دوره ف النصيب
مشهد .... مهيب
03-08-2015
.
باشعر بالكلمة و مابقولهاش
و الروح ف سمايا بتبقى فراش
بيطير و يحلَّق ف الملكوت
و يسيب الحتة البشرية ..
تدوب ف المية
و يدارى العورة بورق التوت ..
و ما يغسلهاش
ما الطهر ماهوش ميَّة و تنضيف
دا الطُهر براءة من التزييف
و حياة ع الكيف
باشعر بكلام نفسي أقوله
غير معسوله
و كأن أوان الصدق ما جاش
و يطير المنى و الروح منى
ف الجو فراش
و الروح ف سمايا بتبقى فراش
بيطير و يحلَّق ف الملكوت
و يسيب الحتة البشرية ..
تدوب ف المية
و يدارى العورة بورق التوت ..
و ما يغسلهاش
ما الطهر ماهوش ميَّة و تنضيف
دا الطُهر براءة من التزييف
و حياة ع الكيف
باشعر بكلام نفسي أقوله
غير معسوله
و كأن أوان الصدق ما جاش
و يطير المنى و الروح منى
ف الجو فراش
03-08-2015
.
الحب ... مش بالإعتراف
و البوح و تفسير الشروح
و لا بالعيون و لا الرموش
مش بس كلمة ف بيت و شعر
و إيد بتلمس إيد بشوق
و لا يختشوش
و لا حتى وجه يكون بشوش
مش بس معنى الحب حِس
الحب مليون شيئ ف شيئ
و إختصار لكلام ف كلمة
روح بدون أسباب بتتعلَّق بروح
سيرة لما تجيبها عطر جميل يفوح
راحة تملى الجسم كله
لما طيف روح اللى عاشقه يمر بيك
لما بتغمض تشوفه
لما تستمتع بلون خده ف كسوفه
لما بتبددله خوفه
لما حد يكون لروحك كون بحاله
لما ما تشوفش ف جماله
لما حتى بيتعِبك و تقول وماله
هو دا اللي باقول عليه حب بصحيح
أصل معنى الحب ... مش بس إعتراف
و الحياة ... أصلا جمالها ف لاختلاف
و البوح و تفسير الشروح
و لا بالعيون و لا الرموش
مش بس كلمة ف بيت و شعر
و إيد بتلمس إيد بشوق
و لا يختشوش
و لا حتى وجه يكون بشوش
مش بس معنى الحب حِس
الحب مليون شيئ ف شيئ
و إختصار لكلام ف كلمة
روح بدون أسباب بتتعلَّق بروح
سيرة لما تجيبها عطر جميل يفوح
راحة تملى الجسم كله
لما طيف روح اللى عاشقه يمر بيك
لما بتغمض تشوفه
لما تستمتع بلون خده ف كسوفه
لما بتبددله خوفه
لما حد يكون لروحك كون بحاله
لما ما تشوفش ف جماله
لما حتى بيتعِبك و تقول وماله
هو دا اللي باقول عليه حب بصحيح
أصل معنى الحب ... مش بس إعتراف
و الحياة ... أصلا جمالها ف لاختلاف
03-08-2015
.
كل القوة
لما بتبقى جميل من جوة
و أما تصدق نفسك جداً
مهما جرالك ... مش راح تحزَن
و المقموص هايجيلك هو
روحك أبداً مش معيوبة
و مش مكسورة و مش مغلوبة
سيبك من عين اللي يشوفك
لو من برَّة
و لا تهتم برأى بيحبط فيك بالمرَّة
عيد الكرَّة
و صدق إنك فعلاً تقدَر
عيش بالجوهر
إوعى ف يوم يخدعك المظهر
سيب العيرة و روح للأصلى
خاصة إن كان الأصل ده أطهر
لما بتبقى جميل من جوة
و أما تصدق نفسك جداً
مهما جرالك ... مش راح تحزَن
و المقموص هايجيلك هو
روحك أبداً مش معيوبة
و مش مكسورة و مش مغلوبة
سيبك من عين اللي يشوفك
لو من برَّة
و لا تهتم برأى بيحبط فيك بالمرَّة
عيد الكرَّة
و صدق إنك فعلاً تقدَر
عيش بالجوهر
إوعى ف يوم يخدعك المظهر
سيب العيرة و روح للأصلى
خاصة إن كان الأصل ده أطهر
03-08-2015
.
من يومك ليه مربوط بالأرض
و حزنك طايح فيك بالطول
و آلام الغربة تطيح بالعرض
ليه مهما تحاول لسة أسير
إنسان و مصيرك مفروض فرض
بتهرب روحك شرقانة
لبراح الحلم المتحنى
و بتصبح روحك إنسانة
و تقول للحزن إبعد عنى
روحك جناحتها فراش هايم
روحك قارب ف براح عايم
إطلقها و مد إيديك و إزعَق
و ما تستناش بادر و إلحق
قبل الأيام ما عليك تنقض
من يومك ليه مربوط بالأرض؟
و حزنك طايح فيك بالطول
و آلام الغربة تطيح بالعرض
ليه مهما تحاول لسة أسير
إنسان و مصيرك مفروض فرض
بتهرب روحك شرقانة
لبراح الحلم المتحنى
و بتصبح روحك إنسانة
و تقول للحزن إبعد عنى
روحك جناحتها فراش هايم
روحك قارب ف براح عايم
إطلقها و مد إيديك و إزعَق
و ما تستناش بادر و إلحق
قبل الأيام ما عليك تنقض
من يومك ليه مربوط بالأرض؟
03-08-2015
.
