أهو جالنا السير أوباما
حل أهلا مية و سهلا
فاتنا مع ألفين سلامة
ناس تقولك نقطة فارقة
و ناس تقولك دى علامة
و ناس بتحكى عن رشاقة خطوته
و ناس تقولك إنتو ليه قايمين قيامة
أيه اللى ضافو بابتسامته و رقته
الطريق أبو خارطة آخرتها ندامة
الوسيم الحلو لاسمر جعبته
ما فيهاش خلاص لينا كرامة
يا عرب
يا ميت خسارة ع الأمل
يا أمل
يا حلم عمره ما إكتمل
يا أمل
يا أبو خيبة راكبة ع الجمل
يا أمل
يا أبو صبر مر ما يحتمل
يا أمل
مافيش أمل من غير عمل
بايديك وبس يكون مصيرك
إوعى يوم ترميه لغيرك
مهما حبك أو تظاهر
أو مدح فى حسن سيرك
همُّه مصلحته و خلاص
و إنت إصرخ مين يجيرك؟
حل أهلا مية و سهلا
فاتنا مع ألفين سلامة
ناس تقولك نقطة فارقة
و ناس تقولك دى علامة
و ناس بتحكى عن رشاقة خطوته
و ناس تقولك إنتو ليه قايمين قيامة
أيه اللى ضافو بابتسامته و رقته
الطريق أبو خارطة آخرتها ندامة
الوسيم الحلو لاسمر جعبته
ما فيهاش خلاص لينا كرامة
يا عرب
يا ميت خسارة ع الأمل
يا أمل
يا حلم عمره ما إكتمل
يا أمل
يا أبو خيبة راكبة ع الجمل
يا أمل
يا أبو صبر مر ما يحتمل
يا أمل
مافيش أمل من غير عمل
بايديك وبس يكون مصيرك
إوعى يوم ترميه لغيرك
مهما حبك أو تظاهر
أو مدح فى حسن سيرك
همُّه مصلحته و خلاص
و إنت إصرخ مين يجيرك؟
