و يعاند الشعر بدلال
بحروف حلال
و يكابد القلب الحنين
و الشوق تلال
و اللي ف منايا من البشر
بيزيد جمال
و الصبر على طول الأمل
فوق لإحتمال
و أنا يا اللي شاطر ف الكلام
عجز اللسان لم قال
و الصمت طال
و عيونى تتهَجَّى الحروف
و الدمع سال
و رسايلى شايلينها الطيور
حتى النسيم شَيَّال
أصدق حروف جوة العيون
و لاهِيَّا بصوت تنقال
بصى ف عيونى أنا أصلى
صفحة مسَطَّرة
فيها الكلام موَّال
و القصة باينة بدون خِدَع
و بدون وَدَع
بس الوَجَع شغَّال
كان نفسى أصيغها
ف شِعر يتردد حلال
و بدون غَرَض
حرفى رفَض .... بدلال
