لو فاكرة قلبى الشقى
بيهِتوا تهديدِك
أنا قلبى مات فى الهوى
و عنيد ما بيهِمُّوش
و إن فاكرة لسة بخيالك
العِشق ده بإيدِك
يؤسِفنى أقولِّك صراحة..
إن كله فاشوش
أنا قلبى حبك كده ...
زى القدَر مقسوم
و لو إنتِ مُتأكِّدة ...
راقبينى يوم ورا يوم
هاتلاقى عشقى
إبتدا من غير كلام بيننا
و الصرح صار ينبنى
سِنَّة ورا سِنَّة
هجرِك و صدِّك مازاد
روحى سوى إصرار
حتى ليالى الألم
بعيونى أشوفها نهار
ما تهدديش اللي يعشق
طول ما الحجر داير
و الدنيا على دا وِدا
و الخلق دايرة ف دواير
و أنا أصل قلبى الشقى
ما يخافش مِ التهديد
فِ العشق لى مبدأى
ناشف دماغى و عنيد
