و بابدأ كلمة ويَّاكى
يتوه حرفى
و ييجى و يشتكى الغربة
ماهو الحرف
إن ماكانش هاتسمعه
ودانك
يكون شرفى
مالوش قيمة ف معنى
العشق
من طرفى
رسايل عشقى عبر الميل
باشوفها قليل
و أنا أصلى الهوى عندى
فى عصر الخيل
باشوف روحى يادوب فارس
حنَى ضهر الحصان مِ
الميل
و شد ركابه جاى ملهوف
و شاف عمره
ف هواكى قليل
و طرف الشال إذا يختال
و من شرفة سماكى يلوح
أنا بالشعر موش راح
أبوح
لأن العشق ساكنى
و مالك منى حتى الروح
و موش جايلك سوى بسؤال
و صارحينى
إذا بالحب قلبك مال
