معاكى الدنيا مش عادى
و أنا مش زى ما أنا عاوز
حاجات جواية عاوزة تنط من صمتى
و تخطف قلبك المسجون ف قفص الصدر من غير نور
و تهرب من عيون الناس و تتحدى اللي كان مكتوب
و واثقة بإنها تقدر ... تغير دفة الأحداث
و شيئ بيقول ما تقحمهاش ف حرب ضروس
دى نسمة تمر ع الخدين بدون مواعيد بتئلمنى
و موج البحر لو هادى
بيصعب ع العيون شوفتك تميلى معاه
معاكى الدنيا مش عادى
حاجات جواية عاوزة تنط من صمتى
و تخطف قلبك المسجون ف قفص الصدر من غير نور
و تهرب من عيون الناس و تتحدى اللي كان مكتوب
و واثقة بإنها تقدر ... تغير دفة الأحداث
و شيئ بيقول ما تقحمهاش ف حرب ضروس
دى نسمة تمر ع الخدين بدون مواعيد بتئلمنى
و موج البحر لو هادى
بيصعب ع العيون شوفتك تميلى معاه
معاكى الدنيا مش عادى
ما بقيتش أفكر بس غير
فيكى
و أرسم ملامحك فوق وشوش الناس
و أنده على كل البشر باسمك
يسقينى حبك مُرْ صبرى ف كاس
محور حياتى و همى طول اليوم
إنى أراقب بسمة ف عنيكى
و أضحك لها من قلبى ضحكاية
لمحة أسى، تجرى الدموع منى
ما أنا ليكى قلب و حس و مراية
ما بقيتش أفكر بس غير فيكى
و بقيتى عايشة العمر ويايا
و أرسم ملامحك فوق وشوش الناس
و أنده على كل البشر باسمك
يسقينى حبك مُرْ صبرى ف كاس
محور حياتى و همى طول اليوم
إنى أراقب بسمة ف عنيكى
و أضحك لها من قلبى ضحكاية
لمحة أسى، تجرى الدموع منى
ما أنا ليكى قلب و حس و مراية
ما بقيتش أفكر بس غير فيكى
و بقيتى عايشة العمر ويايا
أنا السابح فى بحرك و
الحياة أمواج
و أنا العاشق و أنا الهايم و أنا المحتاج
و إنتى القصد و المينا و إنتى التاج
على راس الزمن و الخلق
كل الخلق بيجولك كما الأفواج
يحجوا و يسعوا لعيونك ...
يطوفوا و بس يتمنوا
ما يبقاش حِجّهم إزعاج
و أنا العاشق و أنا الهايم و أنا المحتاج
و إنتى القصد و المينا و إنتى التاج
على راس الزمن و الخلق
كل الخلق بيجولك كما الأفواج
يحجوا و يسعوا لعيونك ...
يطوفوا و بس يتمنوا
ما يبقاش حِجّهم إزعاج
---------------
مانيش
عارف أبص ثوانى ف عنيكى
و لا باقدر كمان أهرب من الشوق اللى مالينى حنين ليهم
و قولتيلى إن بعد البحر شط بعيد
و مينا هناك بيستقبل وفود سافروا و مش راجعين
و لا شوفته ... و لا باين أثر لمراكب التايهين
و راضى بقسمتى معاكى
و لو كانت يادوب اللى إتخطف من نظرة ع الماشى
و لو كلمة صباح الخير، و لو كانت كمان ضحكة و لو للغير
و يكفينى النهار بيها يكون دفيان
و باستغربنى لما العين تكون ف العين
و جواية الكلام واقف على لسانى، سعيد و حزين
و متلخبط و متظبط، و متربط بشيئ غامض
مالوش تفسير سوى إن الكلام عاجز عن التعبير
و يتوارى عشان العين تقول للعين
و حتى العين و لا بتلحق تقول حرفين
و عينك لو ما تهربشى هاصب ف بحرهم مواويل
و مش قادر سوى أصبر و أقول يمكن
تكون حاسة بكلام لو حتى ما إتقالشى،
و بعض الميل ما بيبانشى و خلينا مع الصابرين
و لا باقدر كمان أهرب من الشوق اللى مالينى حنين ليهم
و قولتيلى إن بعد البحر شط بعيد
و مينا هناك بيستقبل وفود سافروا و مش راجعين
و لا شوفته ... و لا باين أثر لمراكب التايهين
و راضى بقسمتى معاكى
و لو كانت يادوب اللى إتخطف من نظرة ع الماشى
و لو كلمة صباح الخير، و لو كانت كمان ضحكة و لو للغير
و يكفينى النهار بيها يكون دفيان
و باستغربنى لما العين تكون ف العين
و جواية الكلام واقف على لسانى، سعيد و حزين
و متلخبط و متظبط، و متربط بشيئ غامض
مالوش تفسير سوى إن الكلام عاجز عن التعبير
و يتوارى عشان العين تقول للعين
و حتى العين و لا بتلحق تقول حرفين
و عينك لو ما تهربشى هاصب ف بحرهم مواويل
و مش قادر سوى أصبر و أقول يمكن
تكون حاسة بكلام لو حتى ما إتقالشى،
و بعض الميل ما بيبانشى و خلينا مع الصابرين
---------
مرة أما ألاقى الوقت و الجرأة إنى
أفضفض
هاكتبك قصة غرام من كلمتين الشرح فيهم يلزمه مجلات
إزاى قابلتك حتى من غير ما أعرفك و إزاى كأنى كنت عارفك من زمن
راسم ملامحك جوة روحى و ع الرصيف ... ممكن أضيف؟
كان قلبى مستنى الوصول و بدون سبب، فتَّح شبابيك الأمل و لِبِس خفيف
و لقيته قاعد يحكى و بيشرح هواه إزاى شريف
و إزاى كتب عنك قصايد شعر مالهاش ترجمة، و إزاى تصور عشقه ليكى ملحمة
ما كدبش و الله العظيم فى أى كلمة .. إنما، كان كل شيئ بيزيده إحساس باليقين
إنك فـ آخر سكة الصبر الطويلة تكونى لقطة مجرمة
تخطف عيون كل البشر و تفسرى للحيرانين كل الحاجات المُبهمة
و إزاى بدون ترتيب بدأ يغفر لظلم الدنيا و الكون و البشر
و يعيش سماحة روح غريبة ع الحياة
هاكتب كمان لو باقى فـ الأيام زمن
إنك خيال عاش ف الحقيقة و قلب فـ الواقع دخل دنيا الخيال
و إنك ملاك لابس بشر ، أو لو بشر .. مالكيش مثال
و أنا كنت معذور أما شوفتك و إنبهرت برغم إنى
كنت باحلف إن فيه جواية سابق معرفة
و إنى إنتظرتك عمر كان مصروف يادوب لاجل أما اهيئ روحى لحلاوة اللُقَا
و العمر ده ساعة ما شوفتك فص ملح و داب .. تَبَخَّر و إختفى
مرة أما ألاقى الوقت هاكتب قصتى ، بس أما ألاقى حروف أمينة، أو معانى مُنصِفة
هاكتبك قصة غرام من كلمتين الشرح فيهم يلزمه مجلات
إزاى قابلتك حتى من غير ما أعرفك و إزاى كأنى كنت عارفك من زمن
راسم ملامحك جوة روحى و ع الرصيف ... ممكن أضيف؟
كان قلبى مستنى الوصول و بدون سبب، فتَّح شبابيك الأمل و لِبِس خفيف
و لقيته قاعد يحكى و بيشرح هواه إزاى شريف
و إزاى كتب عنك قصايد شعر مالهاش ترجمة، و إزاى تصور عشقه ليكى ملحمة
ما كدبش و الله العظيم فى أى كلمة .. إنما، كان كل شيئ بيزيده إحساس باليقين
إنك فـ آخر سكة الصبر الطويلة تكونى لقطة مجرمة
تخطف عيون كل البشر و تفسرى للحيرانين كل الحاجات المُبهمة
و إزاى بدون ترتيب بدأ يغفر لظلم الدنيا و الكون و البشر
و يعيش سماحة روح غريبة ع الحياة
هاكتب كمان لو باقى فـ الأيام زمن
إنك خيال عاش ف الحقيقة و قلب فـ الواقع دخل دنيا الخيال
و إنك ملاك لابس بشر ، أو لو بشر .. مالكيش مثال
و أنا كنت معذور أما شوفتك و إنبهرت برغم إنى
كنت باحلف إن فيه جواية سابق معرفة
و إنى إنتظرتك عمر كان مصروف يادوب لاجل أما اهيئ روحى لحلاوة اللُقَا
و العمر ده ساعة ما شوفتك فص ملح و داب .. تَبَخَّر و إختفى
مرة أما ألاقى الوقت هاكتب قصتى ، بس أما ألاقى حروف أمينة، أو معانى مُنصِفة
---------------
حِبى الحياة و ما
تشربيش القهوة سادة
و صدقينى ....الدنيا موش معمولة على قد العبادة
الدنيا ضحكة يا تضحكيها يا تندمى و تعيشى تشكى للوِسادة
الدنيا رأيِك ف الحياة بين ضفتين موت أو ولادة
الدنيا ف الأصل إنعكاس للروح و طبيعى بتزَوِّد زيادة
الدنيا حالتِك أو مرايتِك رَكِّزى دى ف كل صبح بتوصفك
الدنيا صاحب بس عمره ما ينصفك
الدنيا لقطة ف فيلم بتعدى ... و ممنوع الإعادة
الدنيا ورقة إمتحان و مافيش مكافآت للإجادة
ما تزَوِّدى السكر شويَّة و جرَّبي يوم تشربى ، القهوة مظبوط أو زيادة
أو جرَّبى تحبى الحياة و ما تشربيش القهوة سادة
طب جربى يوم تضحكى من غير سبب، الضحك مش قلة أدب
دا الضحك يقدر يهزم الحزن العنيد لو حتى بالدمع إتغلَب
و البسمة فى وشوش البشر تصريح مرور، و الحزن و التكشير غرور
الضحكة بتسَوِّى العَجَب
و قالوها فِ الأمثال زمان خليك بشوش تبقى المُتَوَّج ع العروش
من غير جواهِر أو دَهَب
أصل الغِنَى مش كله مال و لا عُمرُه هايدُوم الوِصال
و يروح غَضَب
إلا بسماحة وش ضاحِك ف اللُقا سكر زيادة
ما تجرَّبى تحبى الحياة و ما تشربيش القهوة سادة
و صدقينى ....الدنيا موش معمولة على قد العبادة
الدنيا ضحكة يا تضحكيها يا تندمى و تعيشى تشكى للوِسادة
الدنيا رأيِك ف الحياة بين ضفتين موت أو ولادة
الدنيا ف الأصل إنعكاس للروح و طبيعى بتزَوِّد زيادة
الدنيا حالتِك أو مرايتِك رَكِّزى دى ف كل صبح بتوصفك
الدنيا صاحب بس عمره ما ينصفك
الدنيا لقطة ف فيلم بتعدى ... و ممنوع الإعادة
الدنيا ورقة إمتحان و مافيش مكافآت للإجادة
ما تزَوِّدى السكر شويَّة و جرَّبي يوم تشربى ، القهوة مظبوط أو زيادة
أو جرَّبى تحبى الحياة و ما تشربيش القهوة سادة
طب جربى يوم تضحكى من غير سبب، الضحك مش قلة أدب
دا الضحك يقدر يهزم الحزن العنيد لو حتى بالدمع إتغلَب
و البسمة فى وشوش البشر تصريح مرور، و الحزن و التكشير غرور
الضحكة بتسَوِّى العَجَب
و قالوها فِ الأمثال زمان خليك بشوش تبقى المُتَوَّج ع العروش
من غير جواهِر أو دَهَب
أصل الغِنَى مش كله مال و لا عُمرُه هايدُوم الوِصال
و يروح غَضَب
إلا بسماحة وش ضاحِك ف اللُقا سكر زيادة
ما تجرَّبى تحبى الحياة و ما تشربيش القهوة سادة
