العشق كائن ضد خطر
الإنتهاء
ما بيشغلوش غاية ولا
مستنى من فرص الحياة طاقة رجاء
العشق غاية ف حد ذاته
و معنى لوجود البشر، تفسير لأقدار السماء
العشق مش مخلوق عشان يدخل تجارب
أو يحارب، أو يعانى الإبتلاء
العشق سر الكون و ترجمة الوجود
و رباط بيربط كل تفاصيل الزمن
و مالوش علاقة بالمكان
ما يحدهوش أسوار و يعرف قانون
و مالوش مواقف ضد شيئ، و لا حتى له أعداء
العشق دين كل الملايكة ليه رُسُلْ
و مالوش مواقف ضد كافر بيه
المؤمنين و المنكرين، أحبابه على حدٍ سواء
ما بيشغلوش غاية ولا
مستنى من فرص الحياة طاقة رجاء
العشق غاية ف حد ذاته
و معنى لوجود البشر، تفسير لأقدار السماء
العشق مش مخلوق عشان يدخل تجارب
أو يحارب، أو يعانى الإبتلاء
العشق سر الكون و ترجمة الوجود
و رباط بيربط كل تفاصيل الزمن
و مالوش علاقة بالمكان
ما يحدهوش أسوار و يعرف قانون
و مالوش مواقف ضد شيئ، و لا حتى له أعداء
العشق دين كل الملايكة ليه رُسُلْ
و مالوش مواقف ضد كافر بيه
المؤمنين و المنكرين، أحبابه على حدٍ سواء
وشوش فى وشوش
عيون الناس شبابيكها و حال الدنيا شابكها
و فى اللوحة الحقيقة ... رتوش
و إحساس الألم باين ... و إحساس الفرح مغشوش
و أيه الدنيا إلا وشوش
تلاقى وش يضحكلك ... غريب و كأنه من أهلك
و وش كئيب يبَرَّقْلك ... و لو جات فرصة راح ياكلك
و وش ملامحه فيها غرور ... و تانى من الأنا ... منفوش
و وش النصب فى ملامحه ... و حَلَّق حوش
و أيه الدنيا إلا وشوش؟!!!!
و يا ما وشوش هِنا سِمْحة ... تِسُرْ النفس و مسامحة
كأنها فى العيون وردة ... كأنها فى الإيدين سِبحة
و وش بشوش
و وش يدارى إحساسه ... و لا بيضحك و لا بيبكى
و يخدع بالجمود ناسه ... بلا أبعاد بلا تعبير
و كل مشاعره جوه البير ... و يسقيك م المرار كاسه
و ما تكشفهوش
و ياما وشوش ... و أيه الدنيا إلا وشوش؟!!!!!
عيون الناس شبابيكها و حال الدنيا شابكها
و فى اللوحة الحقيقة ... رتوش
و إحساس الألم باين ... و إحساس الفرح مغشوش
و أيه الدنيا إلا وشوش
تلاقى وش يضحكلك ... غريب و كأنه من أهلك
و وش كئيب يبَرَّقْلك ... و لو جات فرصة راح ياكلك
و وش ملامحه فيها غرور ... و تانى من الأنا ... منفوش
و وش النصب فى ملامحه ... و حَلَّق حوش
و أيه الدنيا إلا وشوش؟!!!!
و يا ما وشوش هِنا سِمْحة ... تِسُرْ النفس و مسامحة
كأنها فى العيون وردة ... كأنها فى الإيدين سِبحة
و وش بشوش
و وش يدارى إحساسه ... و لا بيضحك و لا بيبكى
و يخدع بالجمود ناسه ... بلا أبعاد بلا تعبير
و كل مشاعره جوه البير ... و يسقيك م المرار كاسه
و ما تكشفهوش
و ياما وشوش ... و أيه الدنيا إلا وشوش؟!!!!!
الرقص .... فوق أرواحنا توب
الرقص موش حركات تشوفها الناس عيوب
و لا هو حاجة مُخجلة، و لا مهزَلة
و لا شيئ يحُط المنزِلة
و إن يوم فهمت المسألة
هاتقول عليه،
الرقص طقس بيحييِّ أرواح القلوب
مين عَلِّم الرقص لفراش؟
أو للطيور ساعة الغزل
و جعل عقولها ما تنساهاش مهما حصل
و كأنه وعد، و ع الجبين مكتوب
الرقص روح ... إتحركت .. نطقت يادوب
الرقص موش حركات تشوفها الناس عيوب
و لا هو حاجة مُخجلة، و لا مهزَلة
و لا شيئ يحُط المنزِلة
و إن يوم فهمت المسألة
هاتقول عليه،
الرقص طقس بيحييِّ أرواح القلوب
مين عَلِّم الرقص لفراش؟
أو للطيور ساعة الغزل
و جعل عقولها ما تنساهاش مهما حصل
و كأنه وعد، و ع الجبين مكتوب
الرقص روح ... إتحركت .. نطقت يادوب
ياااااااه ع الضحكة
لما بتفتح ف الأحزان بوَّابة وسِكَّة
و أما بترسم أمل الدنيا
و ما تخليكش ف يوم تِتْشَكَّى
يااااااه ع الضحكة
ياه على روعة روح بدائية
ياه على صدق الهوى و النِيَّة
ياه على بسمة بتدخل قلبك
أصدق وصف إنها إلهية
تقفل عينك، تصحى ف مكة
ياااه ع الضحكة
لما بتفتح ف الأحزان بوَّابة وسِكَّة
و أما بترسم أمل الدنيا
و ما تخليكش ف يوم تِتْشَكَّى
يااااااه ع الضحكة
ياه على روعة روح بدائية
ياه على صدق الهوى و النِيَّة
ياه على بسمة بتدخل قلبك
أصدق وصف إنها إلهية
تقفل عينك، تصحى ف مكة
ياااه ع الضحكة
الـ ح حمام رفرف
جناحه ف السما
و النون نغم منع الكلام و الهمهمة
و ألف أتم النور على عيون النهار
نام النسيم فوق الرموش المجرمة
و النون نغم منع الكلام و الهمهمة
و ألف أتم النور على عيون النهار
نام النسيم فوق الرموش المجرمة
معمول نسيجك من محبة
أو ضِيَا
نابت يهيم فى حضن أرض الأولِيا
يفرق ما بين جدلية الليل و النهار
ربك ساعات يرفع من الناس أنبيا
نابت يهيم فى حضن أرض الأولِيا
يفرق ما بين جدلية الليل و النهار
ربك ساعات يرفع من الناس أنبيا
و ليا صحاب
تغير كل النجوم منهم
ما بين نفسى و بين ربى
يمين بالله ما باخذلهم
و بارقيهم و أداريهم
و باهرب من عيون الناس
و بادعيلهم
و لو ع الشعر ،،، كان حقى أغنيلهم
و أنا قارب يادوب عايم
و عاش هايم كده ف نيلهم
دا حتى الليل ما يبقاش ليل
إذا يطفى قناديلهم
أفوت الدنيا لو واقفة على بابى
دول إصحابى
أفوت العمر و أجيلهم
بتحسدنى العيون بيهم
و أنا عنها أداريهم
دا حتى الخير باشوفه جاى
مربَّط فى ركاب خيلهم
يا محلا صحاب
تغير كل النجوم منهم
تغير كل النجوم منهم
ما بين نفسى و بين ربى
يمين بالله ما باخذلهم
و بارقيهم و أداريهم
و باهرب من عيون الناس
و بادعيلهم
و لو ع الشعر ،،، كان حقى أغنيلهم
و أنا قارب يادوب عايم
و عاش هايم كده ف نيلهم
دا حتى الليل ما يبقاش ليل
إذا يطفى قناديلهم
أفوت الدنيا لو واقفة على بابى
دول إصحابى
أفوت العمر و أجيلهم
بتحسدنى العيون بيهم
و أنا عنها أداريهم
دا حتى الخير باشوفه جاى
مربَّط فى ركاب خيلهم
يا محلا صحاب
تغير كل النجوم منهم
مرات باشوفنى كبرت
على دور الحبيب
و أشوف كلام الحب أكتر من غريب
و الحروف و الشعر يرفض يستجيب
،،،
بس بارجع تانى أقول ،،،،،،
أيه الحياه غير نبض قلب؟
حتى نبض القلب أيه
غير شوق و حب؟
إنسى يا عمر السنين
و إملا ف كاسات العشق صُب
ده الغرام ده شيئ عجيب
قال كِبرنا قال على دور الحبيب !!!
،،،
قلبى أصبى من شباب الحى كله
و الغرام يسكن ف ضله
و البنات لو يوم يهلو
قلبى يكتب شعر من غير القوافى
عشق صافى
و البنات له يستحلوا
عمرهم ولا يوم يمِلوا
هى بس القسمة تحكم و النصيب
قال كِبِرنا قال على دور الحبيب !!!
و أشوف كلام الحب أكتر من غريب
و الحروف و الشعر يرفض يستجيب
،،،
بس بارجع تانى أقول ،،،،،،
أيه الحياه غير نبض قلب؟
حتى نبض القلب أيه
غير شوق و حب؟
إنسى يا عمر السنين
و إملا ف كاسات العشق صُب
ده الغرام ده شيئ عجيب
قال كِبرنا قال على دور الحبيب !!!
،،،
قلبى أصبى من شباب الحى كله
و الغرام يسكن ف ضله
و البنات لو يوم يهلو
قلبى يكتب شعر من غير القوافى
عشق صافى
و البنات له يستحلوا
عمرهم ولا يوم يمِلوا
هى بس القسمة تحكم و النصيب
قال كِبِرنا قال على دور الحبيب !!!
تصدقى لو قولتلك ،،،،
ساعة ما أشوفك تبتسم روحى
و أخلع ثياب الهم و جروحى
و أرقص بدون إيقاع أو حركة متشافة
و أفرد مشاعرى عليكى صفصافة
و أبدأ بدون لجلجة شوية من بوحى
،
ما باقولش أنا باعشقك و العشق صار عادى
و فروضه مُستهلكة ل اللهو فى بلادى
أنا حبي ليكى بدأ قبل السديم ما يكون
يسعدنى أكون فى أى كون بمحبتك بادى
ساعة ما أشوفك تبتسم روحى
و أخلع ثياب الهم و جروحى
و أرقص بدون إيقاع أو حركة متشافة
و أفرد مشاعرى عليكى صفصافة
و أبدأ بدون لجلجة شوية من بوحى
،
ما باقولش أنا باعشقك و العشق صار عادى
و فروضه مُستهلكة ل اللهو فى بلادى
أنا حبي ليكى بدأ قبل السديم ما يكون
يسعدنى أكون فى أى كون بمحبتك بادى
و نتقابل
و ألاقى عيون بتلمَحنا
و قبل ما نِتسِئل منها بِتِجرَحنا
و مهما كتير بنتعاهد على الإنكار
و نتدارى من الأنظار
جميل مشاعرنا يفضحنا
و أنا دايماً ما باهتَمِّش
و روحى تقوللى ياد طنِّش
و أيه لو مرة أفصَحنا؟
ما خبينا عواطفنا
و برضه فضلنا مطرحنا
عيون الناس فى آخر الأمر
بِعْد الشر مهما هاتبقى أحوالنا
تمسينا تصبحنا
و مهما تكون بِتِنصحنا
هاتِفضَحنا
و ألاقى عيون بتلمَحنا
و قبل ما نِتسِئل منها بِتِجرَحنا
و مهما كتير بنتعاهد على الإنكار
و نتدارى من الأنظار
جميل مشاعرنا يفضحنا
و أنا دايماً ما باهتَمِّش
و روحى تقوللى ياد طنِّش
و أيه لو مرة أفصَحنا؟
ما خبينا عواطفنا
و برضه فضلنا مطرحنا
عيون الناس فى آخر الأمر
بِعْد الشر مهما هاتبقى أحوالنا
تمسينا تصبحنا
و مهما تكون بِتِنصحنا
هاتِفضَحنا
ساعات باسأل سؤال
للروح
و أخاف يرجع جواب مجروح
لكن باسأل
و احاوِل بس أكون أعقل
و ماشرحش اللي كان مشروح
،
علينا بأيه من الحب اللي بهدلنا؟
و م الوعد اللي كَبِّلنا
و ليه نرضى بسهد إحتَل جوف ليلنا؟
و عمره ف يوم ما كان مسموح
،
و ليه بنعانى و لا نشكى؟
و نتألِّم ولا نبكى
و لو سألونا عن أحوالنا ما بنحكى
و بندارى أتارى سرِّنا مفضوح
،
و ليه يا نفس ساحبانى بدون تفكير؟
و لا شاعرة بحجم الفرق و التغيير
أنا نفسى فقدت القدرة ع التعبير
و باتألم ولا طايل دموع النوح
عشان باسأل سؤال للروح
و لسة باخاف
ليرجعلى الجواب مجروح
و يسرق منى حتى البوح
و أخاف يرجع جواب مجروح
لكن باسأل
و احاوِل بس أكون أعقل
و ماشرحش اللي كان مشروح
،
علينا بأيه من الحب اللي بهدلنا؟
و م الوعد اللي كَبِّلنا
و ليه نرضى بسهد إحتَل جوف ليلنا؟
و عمره ف يوم ما كان مسموح
،
و ليه بنعانى و لا نشكى؟
و نتألِّم ولا نبكى
و لو سألونا عن أحوالنا ما بنحكى
و بندارى أتارى سرِّنا مفضوح
،
و ليه يا نفس ساحبانى بدون تفكير؟
و لا شاعرة بحجم الفرق و التغيير
أنا نفسى فقدت القدرة ع التعبير
و باتألم ولا طايل دموع النوح
عشان باسأل سؤال للروح
و لسة باخاف
ليرجعلى الجواب مجروح
و يسرق منى حتى البوح
عارفة ،،،،،
لما عنيا بتشوفك
باحس بإنى عايش
و إبتسامتى بتترسم من غير سبب
و أبقى متصالح مع الدنيا العجيبة
و أبقى قابل منها أحوالها الغريبة
بابقى حاسس حالى طاير فى السما
بابقى حاسس كٌلِّى طيبة
و أما باتكلم معاكى
الوقت بيمر بغرابة
و الساعات بتفوت ثوانى
و إنتى قاعدة مُحرَجة
من نظرة الناس الغلابة
اللي عاشوا عمر من غير قلب دق
و اللي عمر الحرف فى لسانهم ما رق
بابقى حاسس بيكى نفسك
لو ف لحظة الأرض بينا تشُق شق
و أما بتحسى بخجل
قبلى بيدق بأمل
و أعرف إنى جوة قلبك شيئ مهم
مهما كان اللي حصل
عارفة
الحياة من غير ما أشوفك بايخة موت
و الكلام زى السكوت
و الزمن ما يهمنيش
يمشى و يرجع أو يفوت
و الليالى طويلة خالص
و الموسيقى ف ودنى مالهاش أى صوت
لما عنيا بتشوفك
باحس بإنى عايش
و إبتسامتى بتترسم من غير سبب
و أبقى متصالح مع الدنيا العجيبة
و أبقى قابل منها أحوالها الغريبة
بابقى حاسس حالى طاير فى السما
بابقى حاسس كٌلِّى طيبة
و أما باتكلم معاكى
الوقت بيمر بغرابة
و الساعات بتفوت ثوانى
و إنتى قاعدة مُحرَجة
من نظرة الناس الغلابة
اللي عاشوا عمر من غير قلب دق
و اللي عمر الحرف فى لسانهم ما رق
بابقى حاسس بيكى نفسك
لو ف لحظة الأرض بينا تشُق شق
و أما بتحسى بخجل
قبلى بيدق بأمل
و أعرف إنى جوة قلبك شيئ مهم
مهما كان اللي حصل
عارفة
الحياة من غير ما أشوفك بايخة موت
و الكلام زى السكوت
و الزمن ما يهمنيش
يمشى و يرجع أو يفوت
و الليالى طويلة خالص
و الموسيقى ف ودنى مالهاش أى صوت
جاية قال تحكيلى عنه تشتكى
الوجد اللي كان
جاية توصف حسن ظنه و الهوى ساعة ما هان
قال بتحكيلى أنا
و أنا كنت باسمع قصة عدت من سنة
و كلامها يوجع ليه تصحى النار ف قلبى
ليه بتحكيلى المخبى
كنت فاهمك قال نسيتى إتضح قلبك معَبِّى
و الهوى اللى حسبته ليا و اللُقا اللى كان هدية
كله صار حبر ف ورق بايش ف مية
آه يا قلبى و آه يا عين آه يا أنهار الحنين
آه يا شوق ملو العروق آه يا سوق
متباعة فيه راحة بأنين
جاية قال تحكيلى عنه جاية توصف حسن ظنه
و ضيَّعت عِشق السنين
جاية توصف حسن ظنه و الهوى ساعة ما هان
قال بتحكيلى أنا
و أنا كنت باسمع قصة عدت من سنة
و كلامها يوجع ليه تصحى النار ف قلبى
ليه بتحكيلى المخبى
كنت فاهمك قال نسيتى إتضح قلبك معَبِّى
و الهوى اللى حسبته ليا و اللُقا اللى كان هدية
كله صار حبر ف ورق بايش ف مية
آه يا قلبى و آه يا عين آه يا أنهار الحنين
آه يا شوق ملو العروق آه يا سوق
متباعة فيه راحة بأنين
جاية قال تحكيلى عنه جاية توصف حسن ظنه
و ضيَّعت عِشق السنين
بصى بقى ،،،
أنا قلب شاف كل الشقَى
حتى السعادة ف عمرى
كانت للأسف لحظات يا دوب ،،، متفرَّقة
قضيت حياتى بدون حنين غرقان أنين ،،،
حرمان لعين الدنيا بيه مِتْرَشَّقَة حتى السنين ،،،
بنهار تعب على ليل حزين مِتْعَشَّقَة
من كتر لفى ع الطرق ،،،
راجع كعوبى مفَقْفَقة
،
و سامحت كل اللى مضى
و بِعت عمرى اللي إنقضى
و منايا فى العمر اللي جاى ألقى الرضا
أشعر بحبة فضفضة
يبقالى قلب أسكن إليه
ما أنا كنت قطة مغمضة
أنا قلب شاف كل الشقَى
حتى السعادة ف عمرى
كانت للأسف لحظات يا دوب ،،، متفرَّقة
قضيت حياتى بدون حنين غرقان أنين ،،،
حرمان لعين الدنيا بيه مِتْرَشَّقَة حتى السنين ،،،
بنهار تعب على ليل حزين مِتْعَشَّقَة
من كتر لفى ع الطرق ،،،
راجع كعوبى مفَقْفَقة
،
و سامحت كل اللى مضى
و بِعت عمرى اللي إنقضى
و منايا فى العمر اللي جاى ألقى الرضا
أشعر بحبة فضفضة
يبقالى قلب أسكن إليه
ما أنا كنت قطة مغمضة
أقول أبعد
=========
أقول أبعد ... يعذبنى كتير بُعدى
و لما أوعد ...مانيش قادر على وعدى
و يتبدد ...هواك و العمر بيعدى
و فى عنيا الدموع سالت على خدى
و من شوقى و طول صدك دبل وردى
و ليه ترضى تفوتنى لنار الإنتظار وحدى
و أنا باهواك
و مالى هواك كيانى و ساكن الننى
و نوم الليل فى بعد عنيك مخاصمنى
أنا باسأل يا قاسى ليه بتحرمنى؟
من النظرة اللى تحيينى
من الهمسة تدفينى من الأحلام تعشمنى
و تستبدلها بالقسوة و بالهجران
و لما عيونى بتقابلك تطير زوغان
و مش قادر أشوف ف عنيك هروب منى
و لو ركزت فى عيونى تلاقى ع المدى صورتك
بتحضنها مع جفونى
رموش عينى يا ريت قلبك بقلبى يحس و يهاود
تعود البسمة من تانى و تهدا الروح
و مُرْ الهَجْر يِنسانى و تِشْفَى جروح
و برضه بالوصال هافضل معاك مجروح
من العمر اللى فات قبلك
من الخوف إن أملى يروح
=========
أقول أبعد ... يعذبنى كتير بُعدى
و لما أوعد ...مانيش قادر على وعدى
و يتبدد ...هواك و العمر بيعدى
و فى عنيا الدموع سالت على خدى
و من شوقى و طول صدك دبل وردى
و ليه ترضى تفوتنى لنار الإنتظار وحدى
و أنا باهواك
و مالى هواك كيانى و ساكن الننى
و نوم الليل فى بعد عنيك مخاصمنى
أنا باسأل يا قاسى ليه بتحرمنى؟
من النظرة اللى تحيينى
من الهمسة تدفينى من الأحلام تعشمنى
و تستبدلها بالقسوة و بالهجران
و لما عيونى بتقابلك تطير زوغان
و مش قادر أشوف ف عنيك هروب منى
و لو ركزت فى عيونى تلاقى ع المدى صورتك
بتحضنها مع جفونى
رموش عينى يا ريت قلبك بقلبى يحس و يهاود
تعود البسمة من تانى و تهدا الروح
و مُرْ الهَجْر يِنسانى و تِشْفَى جروح
و برضه بالوصال هافضل معاك مجروح
من العمر اللى فات قبلك
من الخوف إن أملى يروح
