أنا باحلم بيكى
موانى لسفنى
الهربانة
من ماضى إتلوِّن
بالحرمان
و وطن دافى،
أستبدل بيه
البرد الساكن
ف ضلوعى
من بعد ما كان
هو الأوطان
و عيون بتفيض
تروى سنينى
و أنا أصل سنينى
بدون تجميل
تجسيد للغاشق
لو عطشان
أنا باحلم بيكى
و أحلامى
مش بس اللي
باقوله ف شِعرى
من غير ما أدرِى
أنا باحلم بيكى
و خايف أقول
ما هو حلم الشرح
معاه هايطول
و الصمت أمان
أنا باحلم بيكى
و لما تعيشى
ف أحلامى
أنا واثق راح
تتمنى كمان
أنا باحلم بيكى
و أصل الحلم
بكل صراحة
.. مالوهش أوان
