نفسى
مرة آخدك ف حضنى
و
نبتدى رحلة سفر
مافيهاش
من السفر إلا إسمه
و
فيها من حلم الطفولة السحر كله
و
طيبة مفروشة ف طريقنا
و
طارحة ضحكة ع الوشوش
نفسى
أضمك
و
أروى عطشى اللي إبتدى
من
وقت فعلاً ما أعرفوش
نفسى
أحس بصدرى مفتوحلك وطن
و
ضلوعى بتحاوط ضلوعك
و
القلوب ظبطت إيقاعها و وَحِدِت
رؤية
هلال العشق فى شهر الغرام
و
عن اللي قبلك تبتدى نفسى الصيام
نفسى
أضمك
و
أحضنك كف ف كفوفى
و
عين بتسبح بين جفونك و أنسى خوفى
إن
الزمن يهرب من اللحظة
اللى
عاشت روحى تحلم بيها عمر
و
تبعت الأحلام رُسُلْ
علشان
تمَهِد ليها من قبل الميلاد
نفسى
أضمك
و
أنسى دقات الساعات اللي الزمن
من
لومها ما بيِخلِف معاد
نفسي
أضمك
و
أنسى تغريبة بعاد
