حرف باكى
لسة مستغرب جفاكى
بس أنا كان لازم أفهم
إنى م الأول مشاعرى مكتفاكى
كنت حاسُّه ... عشق بارد
مهما كان مليان حنان .. معجون جنان
ملهلب من طرف واحد
كنت نجمة زى آلاف النجوم
عَبَرِت سماكى
عَبَرِت سماكى
بس برضو كان منايا تسألى
أو حتى بس تردى أسئلتى
و برضك تفضلى، قلبك خَلِى
دا أنا كل نبضة ف قلبى حية محَلِّفاكى
ماتنسينيش و مْوَصِّياكى
عبرينى بكلمتين من غير مشاعر
جبر خاطر
حسسينى بإن قلبك لسة فاكر
إن كل منايا ف العالم رضاكى
و إمسحى دمع الألم
عن حرف باكى
