العشق ترياق للهموم
و أنا فيه ما كنتش يوم كتوم
بيبان عليا العشق و بيصرخ غرام
من غير كلام باين هوايا على الهدوم
فاضحانى نظرة عينى على طيف الحبيب
و إن يوم يغيب ،، و لا شيئ يطيب
حتى النسيم لو مر من غير عطره فيه
ما هاحس بيه ..
طب هاعمل أيه ف طبعى العجيب؟
ما أقبلش فيه و ف عشقى لوم
د العشق ترياق الهموم
ترقص حروفى أما الحبيب بيكون قريب
و الشوق يبان فى العين رهيب
و مانعنى عنه العُرف و الناس و القدر
حارمانى منه القسمة و ساعات النصيب
و رابطنى بيه رابط يدوم
و على العموم ،،، العشق ترياق الهموم
