نفسى اضمك بين ايديا
و أحس نبضك
دق قلبك جوة صدرى
و دفء انفاسك يعطر حضنى كله
و ايدى تلمس شعرك الناعم حرير
و عنيا تغرق بين عنيكى
و تسكر الروح م الخيال و تطير لفوق
نفسى فعلا أحتويكى
بكل مابى من بدن أو روح
نفسى ابقى كمان كما
موجة نسيم بتلف بيكى تعطرك ..
ترقيكى من كل العيون
و أحس نبضك
دق قلبك جوة صدرى
و دفء انفاسك يعطر حضنى كله
و ايدى تلمس شعرك الناعم حرير
و عنيا تغرق بين عنيكى
و تسكر الروح م الخيال و تطير لفوق
نفسى فعلا أحتويكى
بكل مابى من بدن أو روح
نفسى ابقى كمان كما
موجة نسيم بتلف بيكى تعطرك ..
ترقيكى من كل العيون
الفراش اللى بيملا الروض
فى موسم حج فى بداية الربيع
عمال يطوف
فى موسم حج فى بداية الربيع
عمال يطوف
أو يسعى بين كل الزهور
كان فى اﻷساس بعض الحروف
كان فى اﻷساس بعض الحروف
اللى حاولت أجمعها فى سوار من كلام
فرت عشان مكسوفة منك و الكسوف
فرت عشان مكسوفة منك و الكسوف
لَوِّن جناحاتها بخطوط و خيوط حرير
و المعنى حاير ف المروج
مسكون بخوف
و المعنى حاير ف المروج
مسكون بخوف
ساعة ما احاول أمسكه ..
ماعرفش اشوف
ماعرفش اشوف
و الله خدودك وحشونى
و وحشنى اللون المتحنى بصهد كسوفك
و النظرة بطرف العين من بين رمشين ساحرين
واصلين للقلب و ساكنينه
و واحشنى شفايف مش خايف لو هاوصفهم
إن أسكر بس على السيرة
و لسان بينقط شهد حروف
مسكونة بلحن بيتسرب لودان الروح
و كفوف يا سلام لما تسلم بِتْدَّوِّب كفى و ما يكفى ..
شهرين علشان أعرف أسلم
و واحشنى جبين من فوق العين
على طرفه حواجب تتعاجب ..
و تشاغل عينى و تتشاقى
و وحشنى اللون المتحنى بصهد كسوفك
و النظرة بطرف العين من بين رمشين ساحرين
واصلين للقلب و ساكنينه
و واحشنى شفايف مش خايف لو هاوصفهم
إن أسكر بس على السيرة
و لسان بينقط شهد حروف
مسكونة بلحن بيتسرب لودان الروح
و كفوف يا سلام لما تسلم بِتْدَّوِّب كفى و ما يكفى ..
شهرين علشان أعرف أسلم
و واحشنى جبين من فوق العين
على طرفه حواجب تتعاجب ..
و تشاغل عينى و تتشاقى
كل الصباحات اللى بيصيغها البشر ..
بحروف كلام .... عادى
و صباحك إنتى بيترسم ع الكون كأنه قوس قزح
و بتتولد فيه الموسيقى ف شقشقة عصافير
و خرير جداول جمعت حبات ندى
غسلت حنين ورق الشجر للنور
و جرت فى نهر من الهوى
بيصب فى عنيكى اﻷمان
و بيدهن النور الوليد بشعور جميل
و الكون بيضحك م الهنا
و كأنه عمره ما عاش فى ليل
صباحك إنتى بدون مبالغة ...
لون جديد و مالوش مثيل
بحروف كلام .... عادى
و صباحك إنتى بيترسم ع الكون كأنه قوس قزح
و بتتولد فيه الموسيقى ف شقشقة عصافير
و خرير جداول جمعت حبات ندى
غسلت حنين ورق الشجر للنور
و جرت فى نهر من الهوى
بيصب فى عنيكى اﻷمان
و بيدهن النور الوليد بشعور جميل
و الكون بيضحك م الهنا
و كأنه عمره ما عاش فى ليل
صباحك إنتى بدون مبالغة ...
لون جديد و مالوش مثيل
كل يوم باصحى و منايا
أقطف المعنى اللى زهزه من بساتين الكلام
و ألضم حروفه بخيط شعاع النور
و روحى ...
تبقى نول أغزل عليها الشال و أجيلك
و أبقى مكسوف إنى مش قادر أجيبلك شيئ يليق
بس طمعان زى عادتى
إنك بكرمك تقبليه و تقولى هايل
حلو خالص ..... حد طايل؟
و النهارة ...أيه جديد عن كل يوم؟
أبداً مفيش ....
غير إنى ساقى المعنى
من روحى اللى طال شوقها لعنيكى الطيبين
لهفة و حنين
و رسمت ع الشال فرحتى
و رسمت تانى لون خضار طاقة أمل
واعدانى دايما باللقا بكرة
و بكرة لسة بيستعد ف يوم ما جاش
و أنا روحى واقفة فى إنتظاره ع الرصيف
طول السنين
بيبان عليكى كتير ، و أﻻقيكى تتكسفي
أول ما صوتى بتسمعيه على طول بتختلفي
و لو سألتك عشق ده؟
بتغيرى المواضيع ...
بإيقاع سريع و بقيتى تحترفي
...
قريت عيونك و إكتفيت
بيهم أدلة على الغرام
و بديت ف عشقك ما إنتهيت
و ﻻ شوفت فيه شبهة حرام
مليت أقول كلمة ياريت
و مشيت ف حبك للأمام
...
ضمينى و إنسي كل شيئ
دوقى الهوى بطعمه البريئ
خلى الزمن يفضل بطيئ
و ينام على ريش النعام
...
ما تصحينيش من رؤيتى
خلينى حبة ف جنتى
هاترجعينى لدنيتي
عطشان لبحر من الهيام
أول ما صوتى بتسمعيه على طول بتختلفي
و لو سألتك عشق ده؟
بتغيرى المواضيع ...
بإيقاع سريع و بقيتى تحترفي
...
قريت عيونك و إكتفيت
بيهم أدلة على الغرام
و بديت ف عشقك ما إنتهيت
و ﻻ شوفت فيه شبهة حرام
مليت أقول كلمة ياريت
و مشيت ف حبك للأمام
...
ضمينى و إنسي كل شيئ
دوقى الهوى بطعمه البريئ
خلى الزمن يفضل بطيئ
و ينام على ريش النعام
...
ما تصحينيش من رؤيتى
خلينى حبة ف جنتى
هاترجعينى لدنيتي
عطشان لبحر من الهيام
